Cuunfaa gabaabaan imaammataa kun dhiibbaa walitti bu’iinsi Naannoo Oromiyaa keessa bakkeen adda addaatti uume ilaalchisee argannoo qorannoo CDCBn geggeesse keessaa gurguddoo xiyyeeffannoo barbaadan dhiheessa. Sababa walitti bu’iinsa Naannicha keessatti itti fufee jiruun lubbuun namaa darbeera; ummatni baayyeen buqqa’ee faca’eera; qabeenyi manca’eera; hojiileen misoomaa gufachiifamaniiru; akkasumas duudhaan waliin jireenya ummataa haphateera. Akka bu’uura argannoo qorannoo CDCBtti ummatni gara miliyoona 1.3tti dhihaatu Naannoo Oromiyaa keessaa buqqa’eera.